Rebbi

Búið að vera hvasst hérna á köflum, upp í 22 m/sek en hitinn rétt yfir frostmarki og skýjað.

Framleiðslan gengur truflanalaust en er í minna lagið þar sem rafhitaketillinn í Ilulisaat er bilaður og því þurfa þeir að kynda fjarvarmaveituna með olíu.

Rebbi hefur verið að sniglast hér í kringum okkur. Settum upp gildru til að sjá hvort við næðum honum. Og viti menn, hann stóðst ekki kjötbitann í gildrunni og lokaðist þar inni. Honum voru svo gefnar nokkrar pylsur í viðbót og sleppt daginn eftir. Hann var frelsinu feginn en var nú ekkert að forða sér langt og um kvöldið var hann farinn að sniglast í kringum búðirnar aftur.

Takk fyrir innlitið á síðuna og sérstakar þakkir til þeirra sem kvitta fyrir komuna.

Kveðja til allra frá Pakitsoq

Pétur Bjarni

Rebbi  búrinu

Rebbi var nú ekki alveg að átta sig á hvað hann ætti að gera þegar búrið var opnað.

Rebbi

Rebbi stóð bara og horfði á okkur þegar hann kom út úr búrinu.

Rebbi

Svo var að velta sér aðeins upp úr snjónum.

Rebbi

Svo var bara að kveðja og vinka bless.

5 ummæli

  1. Guðmundur Þórðarson
    20. janúar 2013 kl. 21.47 | Slóð

    Pakitsoq refarækt !
    kveðja
    Guðmundur

  2. Valdi
    22. janúar 2013 kl. 8.32 | Slóð

    Alltaf flottar myndir hjá þér og heldur okkur sem heima sitjum við efnið. En það góða er að það er bara rétt rúmur mánuður þangað til maður kemur aftur ;)

  3. Stefán Stefánsson
    24. janúar 2013 kl. 22.22 | Slóð

    Gott að allt gangi vel hjá ykkur.
    Hér heima er veðrið búið að vera gott, en vindsperringur stundum og hiti um eða rétt ofan við frostmark.
    Gæti komið stórhríð í tilefni þorrablótsins.

    Kveðja,
    Stebbi

  4. Harald Jóhannesson
    25. janúar 2013 kl. 19.30 | Slóð

    Skemmtilegar myndir

  5. Þorbergur Leifsson
    1. febrúar 2013 kl. 11.35 | Slóð

    Hvernig gátuð þið sleppt svona fallegum loðfeldi.