Virkjun fyrir Ilulissat

Þá eru árin 2 að verða liðin og þetta verkefni komið á enda.

Íbúar Ilulissat fá nú birtu og il frá orkuverinu í Paakitsoq og verða að reka þetta orkuver óstuddir hér eftir.

Tel að við höfum kennt þeim nokkuð vel hvernig þeir eiga að bera sig að en svo er alltaf hægt að hringja.

Þetta er búinn að vera mjög áhugaverður og skemmtilegur tími hérna.

Vil Þakka vinnufélögum og öðrum sem áttu leið með mér í þessari vegferð kærlega fyrir góðan og skemmtilegan félagsskap.

Það þarf gott lið til að reisa svona mannvirki þar sem svo erfitt er um aðdrætti og aðra þjónustu, við stóðum okkur öll vel

Grænlendingar hafa hérna góða virkjun með nóg af vatni og Ilulissat á góða möguleika á því að verða grænn bær

Hef ekki gefið mér tíma til að taka myndir núna í resina þar sem allt hefur verið á fullu við að klára verkefnið og læt því fylgja nokkrar myndir af mér við hin ýmsu störf.

Verið að festa mannop á sográsarkóninn eftir skoðun á túrbínuhjólinu.

Verið að huga að kælivatnsdælu sem var að stríða eftir tripp.

Það fór þó aldrei svo að maður þurfti ekki að dæla díselolíu til að halda virkjuninni gangandi.

Það var verið að prófa tripp og fóru vélarnar ekki í gang eftir það, díselvélin sá okkur fyrir orku á meðan en stoppið var svo lengi að hún varð oíulaus. Áfyllikerfið virkaði ekki og rafmagnsdælur virka ekki í rafmagnsleysi Því varð ég að dæla 1000 lítrum á dagtankan til að geta haldið áfram viðgerðum. Komum loksins vélunum í gang um kvöldið og íbúar Ilulissat njóta nú grænnar orku.

Verið að taka á móti varahlutum frá LDW. Engin kranamaður á svæðinu svo það varð bara að redda hlutunum.

Þetta er væntanlega síðasti pistillinn hérna.

Bestu kveðjur til ykkar allra og takk fyrir innlitið.

Pétur Bjarni

Sama blíðan og áður, hægviðri, heiðskýrt og 13 stiga hiti.

Frágangur gengur vel og er orðin mikil breyting á svæðinu.

Hér sést yfir svæðið eins og það er núna og upp að Portalbyggingu.

Allar búðirnar horfnar og flott sýn inn á jökul, flottur frágangur.

Vinnu búðirnar eins og þær voru 2012 en mest bjó hér um 130 manns.

Svona voru búðirnar sumarið 2013.

Eins og sjá má á þessum myndum hafa orðið miklar breytingar hér og nánast öll ummerki um þennan stóra vinnustað að hverfa enda verkinu lokið að mestu.

Bestu kveðjur og hafið það sem best.

Pétur Bjarni

Ótrúlegt en satt þá ringdi talvert í gær en nú er sólin farin að skýna aftur og lognið hætt að flíta sér.

Nú er moskító flugan kominn og strax farin að gæða sér á blóðinu mínu.

Virkjunin gengur vel. Henning frá Nukissiorfiit fór heim á mánudaginn svo ég er bara einn hér í Portalbyggingunni

Hér er unnið á fullu í frágangi, nú er Vatneyrin horfin og vegurinn að henni, ekki hægt að sjá að þarna hafi nokkurntíman verið nokkuð gert af manna völdum, flott vinna.

Hér er Geiri að ganga frá við veginn.

Lognið var flott í morgun og þá speglaðist allt í firðinum.

Hér sést bryggjusvæðið og fjöllin á móti speglast í sjónum. Það sést í samfelldan ís í fjarska en nær er íshröngl sem kom úr næsta firði.

Uppi á vatni er enn allt frosið en tjarnir orðnar auðar og falleg speglun í þeim. Efra vatnið hefur hækkað um tæpan 1 m á sólahring síðan það fór að hækka í því eða um 10 m. Neðra vatnið hefur hækkað um tæpa 3 m enda miklu stærra.

Bestu kveðjur frá Pakitsoq

Pétur Bjarni

Búið að vera frábært veður núna, logn, heiðskýrt, sól og blíða.

Þeir sem vinna utandyra eru berir að ofan og njóta veðursins, flugan ekki kominn enn svo þetta verður bara ekki betra.

Það er farið að hækka í báðum vötnunum núna enda mikil bráðnun í gangi.

Jökulinn er tignarlegur og fallegur ásamt því að vera hálf ógnvekjandi enda mjög úfin.

Jökullinn úfinn og illur yfirferðar.

Jökullinn er mjög sprunginn en flottur.

Flott speglun í vökinni þar sem skriðjökullinn mætir ísnum á vatninu.

Ís og vatn er einstaklega skemmtilegt viðfangsefni til ljósmyndunar.

Skriðjökullinn skríður í vatnið og riður ísnum á því á undan sér og svo speglast þetta allt saman í vatninu og verður bara ekki fallegra.

Hafið það sem best.

Kveðjur frá Pakitsoq

Pétur Bjarni

Það er búið að vera einstaklega fallegt veður undanfarna daga, nánast logn, heiðskýrt og hitinn 2-5 gráður. En það frystir á nóttunni.

Framleiðslan gengur vel, þarf aðeins að keyra 1 túrbínu um helgina svo álagið er að minnka.

Sólin sest ekki hér núna og er miðnætursólin einstaklega falleg.

Fór í smá kayakferð hér fyrir utan Ilulissat innan um ísinn, þetta var einstaklega skemmtileg ferð.

Frábært útsýni til Ilulissat

Flott speglun og flottir ísjakar

Sjúkrahúsið og kirkjan speglast í sjónum.

Sólin klukkan 2 að nóttu, nú er hún á lofti allan sólarhringinn.

Bestu kveður frá Ilulissat

Pétur Bjarni